ممكن تستغربوا من العنوان ده بس انا حبيت اختار عنوان وكان النهارده عيد ميلادى العشرين بس ياترى انا حققت ايه فيهم ولسه فاضلى كام عشرين سنة وياترى هيجى يوم نسمع منير بيقول امبارح كان عمرى عشرين ممكن اكون حققت ما يمكن تحقيقه فى سنى انا دخلت كلية طب والمفروض انها كانت حلم واتحقق وانا طالب مجنهد الى حد ما بس هل هذا يكفى فى عشرين سنة فى ناس عملو كتير فى حياتهم القصيرة اسامة بن زيد قاد الجيش وكان عنده 18 سنة الاسكندر فتح العالم ومات وكان عنده32 سنة وغيرهم كتير بس يا ترى ايه السبب يا ريت تقولو رايكم بصراحة
8 comments:
اولا العمر الطويل ليك ومبروك انك بقيت 20 وفعلا فى ناس كتير بتعمل اعظم حجات فى سن صغير وربنا يتقبل منك ويجعلك فى السن الصغير بتعمل حادة عشان توصل للكبير تلاقى الاعظم
تحياتى
انا سعيد لانك اول واحدة نورت المدونة
وانا متشكر
بس يا ريت تجاوبيلى على السؤال اللى انا طرحته
العيب فين؟
عايز تعرف السبب
النظام المختل اللى عشنا عليه
من السهر على البلاى ستيشن
بس برده فيه أمل
شوف اللى وصلو عملو إيه واعمل زيهم
وربنا يوفقك
بس متنساش أما توصل تقوللى
كل سنة وأنت طيب وعقبال المية وعشرين
ليس المهم كم نعيش ولكن الأهم هو أن يطرح الله البركة في عمرنا
فهناك من يعيشون للتسعين
ولكنهم لم يحققوا في حياتهم الكثير وملؤها بالمعاصي والذنوب
وهناك من عاش القليل ولكنه كان منارة يهتدي بها الناس
وترك بصمته في هذه الحياة
أرجو ان يكون كل يوم في حياتك لله
ولفعل الخير
وأن يمد الله في عمرك
شكرا لزيارتك
وتقبل تحياتي
شكرا يا اخ رامى بس بلاش نفضح بعض على المدونات
انت عارف ان البلستيشن ده مجرد ترفيه
ومش هو ده السبب
شكرا اخت شهرذاد على مداخلتك الجميلة
وانت عندك حق المهم البركة فى العمر
وربنا يدينا البركة فى العمر
ياااااه سن العشرين وقتها كنت فرحانه جدا بقى عندى عشرين سنه بحالهم رغم انى مكونتش حاسه السن دا ولا عايشاه
بيتهيالى انك لحد دلوقتى ماشى تمام متبقاش طماع وتتسرع الامور بكره تخلص وتبتدى مشوارك فى اثبات نفسك وتبقى اشهر دكتور فيكى ياجمهوريه مصر العربيه
كل ينه وانت طيب واسمى سمر مش سههههر واخدلى بالك انت ههههههه
كل سنه وانت طيب
وعقبال ماتعيش سنين كتير
مش مهم تقول عشت كام سنه والمهم تقول انجزت ايه فى كام يوم
تقبل مرورى واراك فى طاعه الله
فارس
Post a Comment