Friday 31 October 2008

اقوى قلب فى العالم


احبتى فى الله

هل تعلمون من هو صاحب اقوى قلب فى هذا العالم


هى مش فزورة والله


سمعت حديثا وهو عند الترمزى واحمد فى المسند وهو حديث غريب
( لما خلق الله الأرض مادت بأهلها ، فخلق الجبال فصيرها أوتاداللأرض
،
فقالت الملائكة : " ماخلق ربنا خلقا هو أشد من الجبال "
فخلق الله الحديد فقطع الجبال ، ثم خلق النار فأذابت الحديد ،
ثم أمر الله الماء بإطفاء النار، وأمر الريح فكدرت الماء ،
فاختلفت الملائكة فقالت :نسأل الله تعالى
،
قالوا: يا رب ما أشد ما خلقت من خلقك ؟

قال الله تعالى : ( لم أخلق خلقاهو أشد علي من قلب ابن آدم حين يتصدق بيمينه فلا تعلم شماله ما انفقت يمينه
وهذا لفظ الترمزى



يا للعجب .. الملائكه تتعجب من خلق الجبال ومن خلق الحديد ومن النار والماء
ولكن قلب المؤمن اشد

ولكن باى شئ استحق القلب هذا الشرف العظي
انه الاخلاص ...فبه ترقى القلوب

فوالله ما كان الاخلاص فى شئ الا كتب الله له النجاح

فيا عجبا لقوم يكثرون من الاعمال ولا يجدون لها اثرا
ثم لا يبحثون فى قلوبهم

فوالله ما كانوا الصحابة رضوان الله عليهم من انصار كثرة العمل
فقد فاقهم بعض التابعين فى العباده
ولكن كما قال احد التابعين

والله ما سبقونا بكثرة عمل ولكن بشئ وقر فى قلوبهم

ولكن بقى شئ مهم جدا


هل الاخلاص وحدهيكفى؟


لا والله فما اكثر المخلصين فى هذه الايام
وما اكثر حبهم للاسلام

ولكن الاخلاص ان لم يصحبه العلم كان هو الهلاك بعينه
فكل اصحاب البدع ماحملهم على بدعتهم
وان شئت فقل ما حمل الكفار على كفرهم
ما نعبدهم الا ليقربونا الا الله زلفى
فمنهم المخلصين ولكن اخلاص الجهلاء

لو راى احدكم مولدا لاحد الاولياء مثلا السيد البدوى فى طنطا

لادرك ما اقول
اناس يتحملون مشقه السفر ويبيتون فى العراء من اجل ان يوفو نذورهم
فلو نظر هذا الرجل الى جاره فاعطاه ما يعطيه للصندوق لكان خيرا عند الله


ثم ياتى اناس يقولون يعزرون لجهلهم

الجهل فى وقت اصبح العلم يدق ابواب الناس
فى وقت اصبح العلماء فى بيوتنا



بارك الله فيكم جميعا

ورزقكم الاخلاص فى القول والعمل

Wednesday 1 October 2008

تاج واجب الرد


اولا كل عام وانتم بخير وعيد سعيد عليكم كلكم
والله اسال ان يتقبل منا الصيام والقيام
وان يهدينا الى الحق والى طريقه المستقيم
................
ثانيا فانه قد جاءنى تاج من اختنا فى الله
صاحبة مدونة اجمل ايامنا جزاها الله كل خير
بس طبعا انا اتاخرت فى الرد عليه
بس انا وعدتها انى ارد فى اقرب فرصه

وارجو ان تكون اجاباتى خفيفه عليكم وعلى كمان
...........................


-
- الحالة الجسمانية بمعنى هل سيادتك تتمتع بصحة جيدة ولا الاخ صاحب مرض ؟

الحمد لله فانا بفضل الله بصحه جيدة
ربنا يديمها علينا ونحسن استغلالها

طبعا ده ما يمنعش الحاجات البسيطة اللى انتم عارفينها
برد وكحه وكده يعنى



-ا
لحاله الاجتماعية بمعنى هل علاقتك بمن حولك جيدة
ولا عامل مشاكل مع طوب الارض ؟

الحمد لله يمكن دى اجمل حاجه فيا بجد

انا علاقتى مع الناس كويسه جدا
ودى اكيد نعمه كبيره من ربنا
طبعا مش كل الناس


الحاله العقلية بمعنى هل تشعر ان عقلك يعمل ولا حضرتك منيم دماغك ؟

والله مش كل الاوقات
سعات دماغى بيشتغل شغل جامد وسعات نايم
خالص
مثلا انا فى الدراسه بقرا كتب كتير بجانب الكليه
بيتهيالى ان الاجازة هخلص فيها كل الكتب
واقعد افكر اجيب كتب جديده
او اشوف حد اخد منه كتب
واجى اخر الدراسه واشترى شويه كتب
وسبحان الله ما اقرأهاش الا فى السنه الجديده


-الحاله العاطفية مش محتاجة تفسير ومش عايز استعباط ؟


ههههههههه حلوة مش عايز استعباط

هو طبعا انا اعزب
وطبعا قدامى مشوار طويل على ما افكر في حاجه زى دى
بس ده ما يمنعش ان الواحد يكون عنده امل
بيقولو هيرفعو المرتب

والله ربنا يسهل ونلاقى بنت الحلال
وانا مش هتاخر
الشقة مش جاهزة والوظيفة مضمونه 280 جنيه يعنى حاجه تمام خالص


-الحاله الروحية بمعنى هل علاقتك بربنا كويسة ولا الكلام على ابو لهب ؟


هو برده ساعات ساعات
وطبعا مش انا بس

دا الصحابه نفسهم كانو كده

بس منحنى الهبوط عند الصحابه كان حاجه تانيه
لكن عندى منحنى الهبوط ساعات بينزل لدرجه تخوف
بس والله الواحد بيجتهد
والثبات دى حاجه من عند ربنا

اللهم ارزقنا الثبات يا رب العالمين


اكتر عيب فيك ونفسك تتخلص منه ؟


هو زى ما قلت قبل كده
الازدواجيه يعنى حبه فوق وحبه تحت


ايه الحاجة اللى عملتها وندمت انك عملتها قوى ؟

والله هو مش حاجه معينه لو عدينا مش هنخلص
اوقات فى الساعات الى انا فيها تحت بعمل حاجات
ولما ربنا يمن علينا ويهدينا بندم اوى
واستغرب ازاى عملت كده
انا هقولكم حاجه مش ندمان عليها
ممكن نقول حزن عليها

هو احنا من سنتين كنا هنشترى شقه فى العجمى
وكان خلاص الموضوع قاب قوسين
ومش هقولكم التمن لانكم هتفتكرونى بهزر
بس ما حصلش نصيب
ولحد دلوقتى حزين عليها
طبعا علشان الشقق فى العجمى نار دلوقتى
وكنت ظبط نفسى وهحول جامعة اسكندريه
وهعيش فى اسكندريه
يا سلام فكرتونى والله بالاحلام الحلوة دى

ايه الحاجة اللى لسه معملتهاش وحتموت وتعملها ؟
دى كتير قوى ..نبدأ بالاقرب
طبعا نفسى اتزوج ودى رقم واحد
ونفسى كمان اعيش فى اسكندريه باى طريقه
وكمان نفسى يبقى عندى مكتبه كبيره مليانه كتب

بالنسبه للناحيه العلميه نفسى فى نوبل فى الطب

وبالنسبه للاهم طبعا
حلمى انى اخلص واختم القران

ولى حلم صعب شويه بس دايما بتخيله نفسى اقف امام بالناس فى الحرم
وكفايه دول دلوقتى
اكتر دعاء بتقوله وبتردده دائما؟
سبحان الله وبحمده سبحان الله العظيم ......................

لو عرفت انك هتموت دلوقتى وقالولك اخر حاجة نفسك فيها ايه ؟
طبعا دى حاجه مفيش فيها نقاش
هقوم اتوضا واصلى ركعتين

..............
...............
..............
وطبعا التاج ده امرره لكل زوار المدونة
وبالاخص باجوجو او الدكتور رامى سعده

Sunday 28 September 2008

لو تكلم رمضان

وها قد انقضى رمضان ولم يعد منه الا ليله او ليلتين
ولى عندكم سؤال وكل واحد يجاوبه مع نفسه

لو تكلم رمضان فماذا يقول؟

هل سيهنينا على عبادتنا؟
على صيامنا وقيامنا؟
على ركوعنا وسجودنا؟
على صدقاتنا وقرأننا؟

ام سيعاتبنا على تقصيرنا؟
على معاصينا وذنوبنا؟

سؤال صعب اكيد..
بس لازم نعرف الجواب
كلنا صمنا وصلينا وختمنا القران
وتهجدنا ورجلينا وجعتنا
فهل اثر ذلك فينا؟
انا اسف ان كان كلامى قاسى
فانى اذكر نفسى قبلكم
....................................
ملحوظة هامه

فى بدعة وانتشرت بشكل كبير
ليلة السابع والعشرون كانت المساجد مليانه
طبعا ده امل فى ليلة القدر
دى بدعه كبيره الا وهى
تخصيص ما اطلقه الشرع
لم يرد نص صريح ولا غير صريح بتحديدها
ولم ترد عباده معينه فيها كصلات التسابيح
انا نقلت مضمون الفتوى من موقع طريق الاسلام

Friday 5 September 2008

لا تحزن ان الله معنا




ده اول بوست لى فى رمضان
وطبعا لازم اقولكم كل سنة وانتم طيبين
بس مش ده اللى انا بكتب البوست علشانه



انا ملاحظ انتشار حالة من الحزن والاكتئاب على الشباب
طبعا هتقولولى دى حاجه طبيعيه
شوف اللى بيحصل فى العراق
ولا فلسطين .....ما اقولكش
ولا نروح بعيد ليه دى اللى بيحصل فى مصر لوحده كفايه
طوابير عيش....احتكار......فساد...........ومنه كتير.
طبعا انا معاكم بس لازم يبقى فى طاقة للامل
علشان كده انا
كتبت البوست ده



لم الحزن وعندك ستة اخلاط




ابتلى احد الحكماء بمصيبة فجاءه الناس يعزونه
قال لهم :انى عملت دواء من ستة اخلاط
قالوا وماهو
قال: الخلط الاول الثقه بالله
احبائى ان الثقة بالله هى اكبر معين على الخروج من الحزن
فاعلموا دائما ان لكل مصيبة كبيره لها رب اكبر
ولا يعرف هذا الا الواثقين بربهم
اذا واجهت مشكلة فلا تقل يا ربى عندي مشكلة كبيرة
ولكن قل يا مشكلتى عندى رب كبير

ثم قال :اما الثانى فهو علمى بان كل مقدور كائن
احبائى ضعوا نصب اعينكم دائما حديث المصطفى صلى الله عليه وسلم
ان ما اخطاك لم يكن ليصيبك وما اصابك لم يكن ليخطاك
فكل شئ مقدر ازلا فلم الحزن على ما فاتك ولم خوفك على ما سوف يفوتك

ثم قال : والثالث ان الصبر هو خير ما استعمله الممتحنون

والرابع : ان لم اصبر فاى شئ اعمله
اعزائى الصبر الصبر فهو دواء العارفين
فمن تصبر صبره الله ومن جزع فليجزع ولن يكون الا ما كان
وكما قالوا الصبر نصف الايمان
فاصبروا على قضاء الله يبدل الله حزنكم فرحا

ثم قال : والخامس :قد يمكن ان اكون فى شر من ذلك

حقا اخوتى لو علمتم الغيب لرضيتم بالواقع ومن راى مصيبة الناس هانت عليه مصييبته
اذا ابتلاك الله فى مالك فقد عافاك فى صحتك
واذا ابتلاك فى صحتك فقد عافاك فى ولدك
واذا ابتلاك فى كل شئ فقد هداك الى الاسلام وكفى بها نعمه

ثم ختم بالسادسة : من ساعة الى ساعة فرج

حقا فان مع العسر يسرا ان مع العسر يسرا
وضاقت ولما اسنحكمت حلقاتها فرجت وكنت اظنها لا تفرج


ولنبلونكم بشئ من الخوف والجوع ونقص من الاموال والانفس والثمرات
وبشر الصابرين
الذين اذا اصابتهم مصيبة قالوا ان لله وانا اليه راجعون
اولئك عليهم صلوات من ربهم ورحمة واولئك هم المهتدون

Thursday 28 August 2008

اسف يا مصر

دار بيننا -ابناء عائلة سعدة- حوار عن سبب
انتشار نغمة السخط على الوطن بين كثير من الشباب وبالاخص على صفحات المدونات
قال محمد سعدة
سبب هذا هو غياب الانتماء للوطن وارجع ذلك الى تدنى الاخلاق بين الشباب وانفصالها عن الضمير و اصبحت الفاظ خاوية من معانيها
وقال صلاح سعده
ايه اللى اخذته من البلد علشان احبها؟
هى تستاهل تتحب؟
وقال رامى سعده
مصر تعنى ايه؟
قلت
السبب هو عدم الفصل بين مصر الوطن ومصر الحكومة
فمصر هى الوطن اللى بيضمنا وهى الاهل والدم اللى بيجرى فى عروقنا
والحكومة هى الاشخاص الموكلون بادارتها ليس الا
ولكن قناعتنا بان هذه الحكومة من الصعب تغييرها فاننا نرى انها اصبحت مقترنة بالوطن فالسخط على الوطن نابع من السخط على الحكومة
يا ترى انت رايك ايه؟

Monday 25 August 2008

بطاقتى الشخصية








انتزع مني بطاقتي الشخصية
ليتأكد أني عربية
وبدأ يفتش حقيبتي وكأني أحمل قنبلة ذرية
...........وقف يتأملني بصمت
سمراء وملامحي ثورية
فتعجبت لمطلبه وسؤاله عن الهوية
كيف لم يعرف من عيوني أني عربيه
أم أنه فضل أن أكون أعجمية
لأدخل بلاده دون إبراز الهوية
وطال انتظاري وكأني لست في بلاد عربية
أخبرته أن عروبتي لا تحتاج لبطاقة شخصية
فلم انتظر على هذه الحدود الوهمية
وتذكرت مديح جدي لأيام الجاهلية
عندما كان العربي يجوب المدن العربية
لا يحمل معه سوى زاده ولغته العربية
وبدأ يسألني عن أسمي جنسيتي وسر زيارتي الفجائية
فأجبته أن اسمي وحدةجنسيتي عربية
سر زيارتي تاريخية
سألني عن مهنتي وإن كان لي سوابق جنائية
فأجبته أني إنسانة عادية
لكني كنت شاهدا على اغتيال القومية
سأل عن يوم ميلادي وفي أي سنة هجرية
فأجبته أني ولدت يوم ولدت البشري
سألني إن كنت أحمل أي أمراض وبائية
فأجبته أني أصبت بذبحة صدرية
عندما سألني ابني عن معنى الوحدة العربية
فسألني أي ديانة أتبع الإسلام أم المسيحية
فأجبته بأني أعبد ربي بكل الأديان السماوية
فأعاد لي أوراقي حقيبتي وبطاقتي الشخصية
وقال عودي من حيث أتيت
فبلادي لا تستقبل الحرية

Friday 8 August 2008

الجمعة 8-8-2008


ممكن تستغربوا من العنوان ده بس انا حبيت اختار عنوان وكان النهارده عيد ميلادى العشرين بس ياترى انا حققت ايه فيهم ولسه فاضلى كام عشرين سنة وياترى هيجى يوم نسمع منير بيقول امبارح كان عمرى عشرين ممكن اكون حققت ما يمكن تحقيقه فى سنى انا دخلت كلية طب والمفروض انها كانت حلم واتحقق وانا طالب مجنهد الى حد ما بس هل هذا يكفى فى عشرين سنة فى ناس عملو كتير فى حياتهم القصيرة اسامة بن زيد قاد الجيش وكان عنده 18 سنة الاسكندر فتح العالم ومات وكان عنده32 سنة وغيرهم كتير بس يا ترى ايه السبب يا ريت تقولو رايكم بصراحة