Friday 5 September 2008

لا تحزن ان الله معنا




ده اول بوست لى فى رمضان
وطبعا لازم اقولكم كل سنة وانتم طيبين
بس مش ده اللى انا بكتب البوست علشانه



انا ملاحظ انتشار حالة من الحزن والاكتئاب على الشباب
طبعا هتقولولى دى حاجه طبيعيه
شوف اللى بيحصل فى العراق
ولا فلسطين .....ما اقولكش
ولا نروح بعيد ليه دى اللى بيحصل فى مصر لوحده كفايه
طوابير عيش....احتكار......فساد...........ومنه كتير.
طبعا انا معاكم بس لازم يبقى فى طاقة للامل
علشان كده انا
كتبت البوست ده



لم الحزن وعندك ستة اخلاط




ابتلى احد الحكماء بمصيبة فجاءه الناس يعزونه
قال لهم :انى عملت دواء من ستة اخلاط
قالوا وماهو
قال: الخلط الاول الثقه بالله
احبائى ان الثقة بالله هى اكبر معين على الخروج من الحزن
فاعلموا دائما ان لكل مصيبة كبيره لها رب اكبر
ولا يعرف هذا الا الواثقين بربهم
اذا واجهت مشكلة فلا تقل يا ربى عندي مشكلة كبيرة
ولكن قل يا مشكلتى عندى رب كبير

ثم قال :اما الثانى فهو علمى بان كل مقدور كائن
احبائى ضعوا نصب اعينكم دائما حديث المصطفى صلى الله عليه وسلم
ان ما اخطاك لم يكن ليصيبك وما اصابك لم يكن ليخطاك
فكل شئ مقدر ازلا فلم الحزن على ما فاتك ولم خوفك على ما سوف يفوتك

ثم قال : والثالث ان الصبر هو خير ما استعمله الممتحنون

والرابع : ان لم اصبر فاى شئ اعمله
اعزائى الصبر الصبر فهو دواء العارفين
فمن تصبر صبره الله ومن جزع فليجزع ولن يكون الا ما كان
وكما قالوا الصبر نصف الايمان
فاصبروا على قضاء الله يبدل الله حزنكم فرحا

ثم قال : والخامس :قد يمكن ان اكون فى شر من ذلك

حقا اخوتى لو علمتم الغيب لرضيتم بالواقع ومن راى مصيبة الناس هانت عليه مصييبته
اذا ابتلاك الله فى مالك فقد عافاك فى صحتك
واذا ابتلاك فى صحتك فقد عافاك فى ولدك
واذا ابتلاك فى كل شئ فقد هداك الى الاسلام وكفى بها نعمه

ثم ختم بالسادسة : من ساعة الى ساعة فرج

حقا فان مع العسر يسرا ان مع العسر يسرا
وضاقت ولما اسنحكمت حلقاتها فرجت وكنت اظنها لا تفرج


ولنبلونكم بشئ من الخوف والجوع ونقص من الاموال والانفس والثمرات
وبشر الصابرين
الذين اذا اصابتهم مصيبة قالوا ان لله وانا اليه راجعون
اولئك عليهم صلوات من ربهم ورحمة واولئك هم المهتدون

34 comments:

maha zein said...

ما شاء الله ربنا يزيد ويبارك في مدونتك
عموما
انت فعلا ذكرت الدواء للتعب والحزن
بس يا ريت الناس تاخد بكلامك
يعني يا ريت الناس فعلا تفهم ده وتتعظ



بس وحياه الغاليين انا ليا عندك بس استفسار يعني
هو ليه يعني كل لما ادخل مدونة حد في طب الاقيه من المنوفيه
هي بقت وسايط كمان في ده
ولا ايه فهمني
عموما تمام تمام خلينا نبقه نروح المنوفية نكشف ببلاش بقه
تحياتي ليك

كلمة said...
This comment has been removed by the author.
كلمة said...

اولا شكرا ليك على مرورك الكريم وياريت ما تكونش اخر مرة

وبعدين لما الناس ما تتعظش احنا المستفيدن
اصل احنا اكل عيشنا من تعب الناس

وانت عارفة طبعا ان اهم اسباب التعب هو الاطراب النفسى

عرفتى ليه انا بحب الحكومة

وبعدين انا من الغربيه مش المنوفيه
ماتخافيش الطب لسه مفيش فيه واسطة

وان شاء الله ما تكشفيش عندى ولا عند غيرى

تفبلى تحياتى
............

ابن الإخوان والأزهر said...

فتح الله لك

الواحد بيعوز يقرأ المعاني دي من وقت للتاني علشان يحس بالرضا

دي أول زيارة ليا

Unknown said...

لا لا بجد ال 5 وصفات دول روعة



جامدييين اوووى


كل سنه وانت طيب يا بسام

تحياتى

Seada family said...

والله حاجة حلوة يا حفيدى
وزى ماسمعنا يخلق من ضهر الفاسد عالم
ياه كنت تعالى شوف الناس زمان
كان اللى يحزن ياكل
بس أيامنا كان الخير كتير مكنش لسة حد بيعرف ي.....
ياله أسيبك وأرجع أموت تانى
سلملى على ذريتى

كلمة said...

ابن الاخوان والزهر

شكرا لمرورك الكريم
وبعدين المدونة مفتوحالك فى اى وقت تقدر تقراها فى اى وقت
..........
المبرمج المحترف
سعيد بزيارتك
بس دول سته مش خامسة

قلتلك زاكرتك فيها حاجه مش مصدقنى

شكرا ليكم جميعا

EMMY BABY said...

السلام عليكم

بداية احييك على مدونتك ودى اول زيارة ليا وان شاء الله هتكون زياراتى دايمة

ثانيا بجد بسم الله ماشاء الله جزاك الله خيرا كثيرا على البوست ده وبجد خير الدواء ذكر الله

الا بذكر الله تطمئن القلوب

فعلا والله مااروع هذا الكلام ياريت نوصل للمكانة دى

كل سنة وانت طيب

تحياتى

ايمى

كلمة said...

سعدة
شكرا ليك ياجدى على اهتمامك
واحنا بنحاول نعيد امجادك
وكل اللى احنا فيه بفضل دعواتك لينا

كلمة said...

ايمى
اهلا بيكى فى اى وقت المدونة تحت امرك
وشكرا ليكى على كلامك الرائع اللى اكيد فيه مبالغة


وياريت تنورينا دائما

صاحبة هدف said...

جزاكم الله خيرا كثيرا
فعلا ياريت كل الشباب يفهموا ما كتبت
الناس نسيت هى اتخلقت ليه وكل واحد بدأ يحل فى مشكلة قد لا تكون مشكلة فى الأصل
بارك الله فيكم وأسلوب البوست ممتاز جدا وان شاء الله ليست آخر زيارة

Anonymous said...

الله عليك ياحبيب ولاديك تسلم ويسلم العقل السعداوي وهم دول هم دول السعدويه اخوك الكبير صلاح سعده

كلمة said...

شيماء
شكرا ليك على مرورك اللى اكيد نورتينا
والمدونة تحت امرك تشرفينا فى اى وقت
تقبلى تحياتى

كلمة said...

صلاح باشا سعده عندنا
يا مرحبا يا مرحبا
والله نورتنا
بس ياريت تشرفنا كتير
تحياتى ليك يا ابو كمال

madeeh said...

بارك الله في قلمك , لكن أهم شيء هو الفهم ومن بعده العمل بإخلاص , ومن هنا سيشعر المرء بأنه قد قدّم شيئا لرفعة هذه الأمة.والله المستعان علي الإصلاح

كلام على بلاطة said...

كل عام وانت بخيرتحياتى

Anonymous said...

السلام عليكم

وجزاكم الله خيرا على الكلام الرائع ده وفعلا والله جاى فى وقته لأنى فعلا شبه هاتفجر من اللى بيحصل الايام دى

مش هاطول عليك يا حبى ربنا يارب يكرمك ودمت لنا بخير ويلاسلام

أختكم فى الله said...

جزاك الله خيرا على هذه الكلمات الرائعة

جعلها الله فى كيزان حسانتك يا رب

كل سنة وحضرتك طيب

انى احبكم فى الله said...

اشكرك على الموضوع الجميل يا كلمه وعلى فكرة المدونه من اجمل المدونات ورمضان كريم وتحياتى ليكى وتقبلى مرورى وتحياتى

كلمة said...

مدبح
شكرا على زيارتك
وياريت تكررها
وعندك حق المهم الفهم والتطبيق
تقبل تخيابى

كلمة said...

كلام على بلاطه
شكرا ليك وكل سنه وحضرتك طيب

كلمة said...

جمعاوى
سعبد جدا بزيارتك
وياريت تطول احنا بنتشرف بوجودك

كلمة said...

اختنا فى الله
شرفتينا وباربت ما تكونش اخر زياره
وربنا يتقبل منا ومنكم

كلمة said...

انى احبكم فى الله
نحن ايضا نحبك فى الله
شكرا لبك على المرور
طبعا انتى بتبالغى
مدونتى متواضعه جدا
هى جمبله بوجودكم

مجلة الأم الصغيرة said...

أحييك على البوست الرائع دا و الستة أخلاط اللي بنغفل عنهم دايما

جزاك الله كل خير و جعله في ميزان حسناتك

لؤلؤة الاسلام said...

ما شاء الله موضوع مميز و راااائع
شكرا لك على هذا الموضوع
و كمان على المدونة الجميلة

و تحياااااتى
رمضان
كريم

Unknown said...

بارك الله فيك
موضوع جميل بسطت فيه الكثير
ووضحت ما غفل عنه البعض

كل عام وانت بخير
ورمضان كريم

أختكم فى الله said...

فيه تاج فى مدونتى يا ريت لو حضرتك تحله

كلمة said...

قطرات من شواطئ الحياة
شكرا ليك على مرورك
ومرحبا بك فى مدونتى المتواضعة
وكلنا بننسى بس اكيد الصحبة الطيبه هى اللى بتفكرنا

كلمة said...

لؤلؤة الاسلام
شكرا ليكى على المرور الكريم
وزى ما قلت قبل كده
المدونة جميله بس بوجودكم
وشرفتينا
تحياتى

كلمة said...

نهر الحب
شكرا ليك على كلامك الجميل
وربنا ينفعنا بهزا اللكلام ولا تجعلنا من الذين يقولون مالا يفعلون
تحياتى

كلمة said...

اختكم فى الله
شكرا ليك على التاج
بس اسف مش هقدر ارد عليه دلوقتى
اوعدك فى اقرب فرصه
تقبلى تحياتى

☼♫♪ عمــاد الدين يــوسف ☼♫♪ said...

اخي الكريم
كل عام وانت بخير ويسرني حقا التعرف على امثالك من الشباب المجتهد دنيا ودين
تقبل مروري وادعوك على صالوني المتواضع في مدونتي الفقيره
تحياتي

كلمة said...

المحرر الصحفى عناد الدين يوسف
تشرفت بزيارتك
واوعدك بزيارتك فى اقرب وقت
وياريت نتشرف بيك كتير
تقبل تحياتى