Wednesday, 1 October 2008

تاج واجب الرد


اولا كل عام وانتم بخير وعيد سعيد عليكم كلكم
والله اسال ان يتقبل منا الصيام والقيام
وان يهدينا الى الحق والى طريقه المستقيم
................
ثانيا فانه قد جاءنى تاج من اختنا فى الله
صاحبة مدونة اجمل ايامنا جزاها الله كل خير
بس طبعا انا اتاخرت فى الرد عليه
بس انا وعدتها انى ارد فى اقرب فرصه

وارجو ان تكون اجاباتى خفيفه عليكم وعلى كمان
...........................


-
- الحالة الجسمانية بمعنى هل سيادتك تتمتع بصحة جيدة ولا الاخ صاحب مرض ؟

الحمد لله فانا بفضل الله بصحه جيدة
ربنا يديمها علينا ونحسن استغلالها

طبعا ده ما يمنعش الحاجات البسيطة اللى انتم عارفينها
برد وكحه وكده يعنى



-ا
لحاله الاجتماعية بمعنى هل علاقتك بمن حولك جيدة
ولا عامل مشاكل مع طوب الارض ؟

الحمد لله يمكن دى اجمل حاجه فيا بجد

انا علاقتى مع الناس كويسه جدا
ودى اكيد نعمه كبيره من ربنا
طبعا مش كل الناس


الحاله العقلية بمعنى هل تشعر ان عقلك يعمل ولا حضرتك منيم دماغك ؟

والله مش كل الاوقات
سعات دماغى بيشتغل شغل جامد وسعات نايم
خالص
مثلا انا فى الدراسه بقرا كتب كتير بجانب الكليه
بيتهيالى ان الاجازة هخلص فيها كل الكتب
واقعد افكر اجيب كتب جديده
او اشوف حد اخد منه كتب
واجى اخر الدراسه واشترى شويه كتب
وسبحان الله ما اقرأهاش الا فى السنه الجديده


-الحاله العاطفية مش محتاجة تفسير ومش عايز استعباط ؟


ههههههههه حلوة مش عايز استعباط

هو طبعا انا اعزب
وطبعا قدامى مشوار طويل على ما افكر في حاجه زى دى
بس ده ما يمنعش ان الواحد يكون عنده امل
بيقولو هيرفعو المرتب

والله ربنا يسهل ونلاقى بنت الحلال
وانا مش هتاخر
الشقة مش جاهزة والوظيفة مضمونه 280 جنيه يعنى حاجه تمام خالص


-الحاله الروحية بمعنى هل علاقتك بربنا كويسة ولا الكلام على ابو لهب ؟


هو برده ساعات ساعات
وطبعا مش انا بس

دا الصحابه نفسهم كانو كده

بس منحنى الهبوط عند الصحابه كان حاجه تانيه
لكن عندى منحنى الهبوط ساعات بينزل لدرجه تخوف
بس والله الواحد بيجتهد
والثبات دى حاجه من عند ربنا

اللهم ارزقنا الثبات يا رب العالمين


اكتر عيب فيك ونفسك تتخلص منه ؟


هو زى ما قلت قبل كده
الازدواجيه يعنى حبه فوق وحبه تحت


ايه الحاجة اللى عملتها وندمت انك عملتها قوى ؟

والله هو مش حاجه معينه لو عدينا مش هنخلص
اوقات فى الساعات الى انا فيها تحت بعمل حاجات
ولما ربنا يمن علينا ويهدينا بندم اوى
واستغرب ازاى عملت كده
انا هقولكم حاجه مش ندمان عليها
ممكن نقول حزن عليها

هو احنا من سنتين كنا هنشترى شقه فى العجمى
وكان خلاص الموضوع قاب قوسين
ومش هقولكم التمن لانكم هتفتكرونى بهزر
بس ما حصلش نصيب
ولحد دلوقتى حزين عليها
طبعا علشان الشقق فى العجمى نار دلوقتى
وكنت ظبط نفسى وهحول جامعة اسكندريه
وهعيش فى اسكندريه
يا سلام فكرتونى والله بالاحلام الحلوة دى

ايه الحاجة اللى لسه معملتهاش وحتموت وتعملها ؟
دى كتير قوى ..نبدأ بالاقرب
طبعا نفسى اتزوج ودى رقم واحد
ونفسى كمان اعيش فى اسكندريه باى طريقه
وكمان نفسى يبقى عندى مكتبه كبيره مليانه كتب

بالنسبه للناحيه العلميه نفسى فى نوبل فى الطب

وبالنسبه للاهم طبعا
حلمى انى اخلص واختم القران

ولى حلم صعب شويه بس دايما بتخيله نفسى اقف امام بالناس فى الحرم
وكفايه دول دلوقتى
اكتر دعاء بتقوله وبتردده دائما؟
سبحان الله وبحمده سبحان الله العظيم ......................

لو عرفت انك هتموت دلوقتى وقالولك اخر حاجة نفسك فيها ايه ؟
طبعا دى حاجه مفيش فيها نقاش
هقوم اتوضا واصلى ركعتين

..............
...............
..............
وطبعا التاج ده امرره لكل زوار المدونة
وبالاخص باجوجو او الدكتور رامى سعده

28 comments:

حياتي كلها لله said...

اسأل الله لك رزق مريم و قصر آسيا و تقوي عائشة و قلب خديجة و رفقة فاطمة و جمال يوسف و مال قارون و حكمة لقمان و ملك سليمان و صبر أيوب و عدل عمر و حياء عثمان و وجه علي ومحبة رسول الله "صلي الله عليه و سلم "و ميعاد آل ياسر .....و كل عام و أنت بخير ..
تحياتي
د/سلمي

أختكم فى الله said...

جزاك الله خيرا كثيرا على انك حليت التاج

التاج تملى بيوضح الشخصيى بدرجة كبيرة

كل سنة وحضرتك طيب وعيد سعيد عليكم ان شاء الله

وربنا يحقق لحضرتك كل احلامك ان شاء الله

محمد عبد الباسط said...

تقبل الله منا ومنك الصيام والقيام وصالح الاعمال وكل عام وانتم بخير تقبلنى مداوما لموضوعاتك ومدونتك الجميلة

حلم كبير

كلمة said...

حياتى كلها لله
بارك الله فيك
ولك مثلما قلت ان شاء الله
سعيد جدا بزيارتك
تقبلى تحياتى

كلمة said...

اختنا فى الله
طبعا انا كان لازم ارد على التاج
وياريت يكون عكس شخصيه سليمه
والف شكر على الاهتمام
تقبلى تحياتى

كلمة said...

محمد عبد الباسط
شكرا ليك على مرورك الاول
وان شاء الله مش الاخيره
وطبعا ده شرف لينا والله
تقبل خالص تحياتى

☼♫♪ عمــاد الدين يــوسف ☼♫♪ said...

اخي الكريم
بعد كل عام وانت بخير
اجاباتك كانت على قدر كبير من التواضع والعقلانيه وتنم عن شخصيه ناضجه اسأل الله لها الثبات والرقي وان تنال كل ما هو في ثنايا خاطرك
تحياتي

باجوجو said...

وبالأخص باجوجو

أنا متشكر جدا يا دكتور بسام على اهتمامك بتمرير التاج ليه

ومع انى لسه عندى تاج مردتش عليه بس أوعدك أرد على الاتنين قريب

بصراحة التاج دا أظهرنا خبايا كتير فى شخصيتك مكنتش أعرفها

بالتوفيق والى الامام دائما

تقبل تحياتى

shayma said...

وفقكم الله وأنار بصيرتكم
وأراكم الحق حقا ورزقكم اتباعه

أختكم فى الله said...

والله ما عارفة اقول لحضرتك ايه

التاج اللى عندى فى المدونة بمرره لكل اخواتى

لو عجب حضرتك ياريت تبقى تاخده وتحله وقت ما تحب

معلش تقلت انا كدو فة التاجات بس اصلى بحبها اوى

كلمة said...

عماد الدين يوسف
اهلا بيك وياريت يكون كلامك يكون بجد
شكرا لزوقك
الى مزيد من التواصل

كلمة said...

باجوجو
انت بتحرجنى بزوقك دايما
وياريت تكون الخبايا الجديده حاجات
كويسه وتزود الود الى بينا
واحنا الى الامام بمساندتك لينا
معا للامام
تحياتى ليك يا باجوجو

كلمة said...

شيماء
اهلا بيكى فى مدونتى المتواضعه
انا الله بصائرنا بنور الكتاب والسنه
ورزقنا الاخلاص والسداد

EMMY BABY said...

هههههههههههههههههه بجد اجاباتك حلوة اوى وخاصة بتاعت الشقة مش جاهزة والوظيفة مضمونة ضحكتنى اوى

احلامك حلوة ربنا يحققهالك كلها ان شاء الله

بجد اجاباتك بعيدة عن التقليدية فى التفكير

ربنا يديم عليك الثبات والصحة

تحياتى

ايمان مش ايمى :))

كلمة said...

اهلا ايمان
نورتينا بجد
بيقولو شر البليه ما يضحك
بس والله انا عندى امل
والدنيا اكيد هتتغير وربنا هيفرجها
تحياتى

EMMY BABY said...

انا مش بضحك علشان الظروف نفسها

انا بضحك علشان انت بتتغلب على الحاجة دى باسلوب ضحك يوحى بامل وده لعلمك شى جميل جدا

والله مافى اكبر من نعم ربنا علينا

ربنا يرزقك من حيث لا تحتسب

تحياتى

ايمان

كلمة said...

اهلا بيكى يا ايمان
احنا ما نستحملش النور ده كله

شكرا لذوقق
بيقولو اكثر ساعات اليل سوادا هى الى قبل الفجر على طول
واحنا السواد خلاص عم علينا
بس يا ريت نلحق الفجر جماعه
تحياتى ليك
وبجد نورتينا

المبرمج المحترف said...

السلام عليكم


د/ بسام عامل ايه ؟؟


اعذرنى معلش دخلتلك متأخر

اجابات جميلة اوووى

يارب نشوفك كدا هنا ف اسكندرية


عشان تبقا جنبى وكل شويه اجى ارزل عليك

ههههههه

حفظك الله

تحياتى

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

mo'men mohamed said...

حبه فوق وحبة تحت

ده حالنا كلنا
ونسأل الله أن يقبضنا على خير
جزاكم الله كل خير
السلام عليكم

EMMF said...

السلام عليكم ورحمه الله وبركاته
اولا تقبل مرورى لأول مرة فى مدونتك الجميلة يادكتور
ثانيا
اجابات جميله وصادقه
وربنا يوفقك لما يحبه ويرضاه
سلالالالالالالالام
فى رعاية الله

كلمة said...

المبرمج المحترف
انت دايما منورنا حتى لو ما علقتش
تحياتى ليك وللاسرة الكريمة

كلمة said...

مؤمن
اهلا بيك
ونورت مدونتنا المتواضعة
ويا ريت نكون فوق على طول
ربنا يتقبل منا
تحياتى ليك

كلمة said...

emmf
تشرفنا بزيارتك
وياريت نشوفك بعد كدة كتير
وسلامى ليك

شهرزاد said...

إجابات جميلة
وشخصية متميزة
ادعو لك ولنا بالثبات والعبادة والطاعة
ودمت في رعاية الله
تحياتي

حسام وريمان فى هاكونا مطاطا said...

اللسام عليكم

ربنا يحقق لك كمل ما تتمناه

وتتزوج ان شاء الله وتعيش فى اسكندريه

وكل تاج وانت طيب

كلمة said...

شهرزاد
شكرا لمرورك الكريم
ونورتينا
وربنا يحققلنا كل ما نتمناه
وياريت تنورينا ديما
والسلام

كلمة said...

حسام وريمان
شكرا على الزياره
وسعيدة بمعرفتكم
والى مزيد من التواصل
تحياتى