Thursday 28 August 2008

اسف يا مصر

دار بيننا -ابناء عائلة سعدة- حوار عن سبب
انتشار نغمة السخط على الوطن بين كثير من الشباب وبالاخص على صفحات المدونات
قال محمد سعدة
سبب هذا هو غياب الانتماء للوطن وارجع ذلك الى تدنى الاخلاق بين الشباب وانفصالها عن الضمير و اصبحت الفاظ خاوية من معانيها
وقال صلاح سعده
ايه اللى اخذته من البلد علشان احبها؟
هى تستاهل تتحب؟
وقال رامى سعده
مصر تعنى ايه؟
قلت
السبب هو عدم الفصل بين مصر الوطن ومصر الحكومة
فمصر هى الوطن اللى بيضمنا وهى الاهل والدم اللى بيجرى فى عروقنا
والحكومة هى الاشخاص الموكلون بادارتها ليس الا
ولكن قناعتنا بان هذه الحكومة من الصعب تغييرها فاننا نرى انها اصبحت مقترنة بالوطن فالسخط على الوطن نابع من السخط على الحكومة
يا ترى انت رايك ايه؟

16 comments:

باجوجو said...

أعتقد أنك لم توفق فى فصل الوطن عن الحكومة
فحكومتنا ليست حكومة من المريخ ولن تكون
وبذلك يتبقى التراب ونحن لا نعشق ترابا
لذلك كانت إجابتى بسؤال
يعنى إيه مصر؟
تقبل تحياتى

كلمة said...

انت تفتكر ان مصر عبارة عن تراب وحكومة
طيب احنا فين؟
كلامك ممكن يكون صح لو احنا اللى اخترنا الحكومة
مشكلتنا اننا فاكرين ان الحكومة هى اللى بتاكلنا ومن غيرها نموت
حتى مش قادرين نفصلها عن الوطن وطانها اصبحت الوريث الوحيد لهذا البلد
واصبح المصرى لا يرى اى قيمة للشعب الذى يعانى طالما ان الحكومة مرتاحة

سمر الشافعى said...

انا معاك يابسام ورايك صح انا عن نفسى بحب بلدى جدا وبكره اللى يقول عنها كلمه وحشه لانها اذا كانت بقت وحشه فبسببنا احنا وب ادينا احنا مش حاجه تانيه

كل سنه وانت طيب

كلمة said...

نورتينا يا سمر
عندك حق
نعيب زماننا والعيب فينا ومالزماننا عيب سوان
ورمضان كريم

Unknown said...

بجد مدونتك جميلة اووى
وان شاء الله نبقا من زوارها

تحياتى
وكل سنه وانت طيب

همسات شاب said...

دي اول تعليق ليا هنا

مدونة رائعة فعلا


وبوست جميل



ربنا يكرمك

ورمضان كريم

كلمة said...

المبرمج المحترف
اهلا بيك ويا ريت تشرفنا كتير

كلمة said...

مسات شاب
اكيد شرفتنا
واكيد هنزورك
ونتواصل
ورمضان كريم

fOsDö2ä said...

رأيي أنا كمان ...
من نفس رأي حضرتك و رأي سمر ...
مصر بجد حلوه قوي ...
بس إحنا اللي بنخليها وحشه ... !!
و إحنا دي بقى يعني إحنا كلنا ... !!
شعب و حكومة و كل حاجه ... !!
يارب ترجع مصر زي زمان .. و أحسن كمان .. !!
كل سنة و حضرتك طيب ...
سعيدة بزيارتي لمدونتك

مجلة الأم الصغيرة said...

أولا مبروك على المدونة الجميلة دي
ثانيا بالنسبة لسؤالك
أنا عن نفسي بشجع المثل اللي بيقول (انت مصري يبقى لازم تهاجر)
مصر حلوة منغير حاجتين : الحكومة و الشعب
و استحالة تفصلهم عنها يبقى إيه الحلو اللي فيها؟
الحكومة غنية عن التعريف أما الشعب فانزل الشارع مجرد انظر لوجوه الناس شوف بقوا عاملين ازاي من الغلب اللي عايشينه.. بلاش شوف تصرفاتهم الحشرية و الفضول و الفزلكة و عاااار إنهم يقولوا معرفش لااازم يفتوا في كل حاجة

أما سؤال يعني إيه مصر؟؟
ماينفعش نقول إن مصر أهلنا و صحابنا عشان بالمنطلق ده لو أهلك و أصحابك اتنقلوا معاك مكان برة مصر حتحبه و تنسا مصر
و ماينفعش نقول مصر البلد اللي اتولدت فيها و شربت من نيلها و اتحرقت في شمسها عشان الأرض والمياه و السما و الشمس موجودين في كــل مكان مش في مصر و بس
ولا ينفع نقول مصر الشوارع و البيوت و الأهرامات و الحضارة .. فاكس أوي
من الآخر مصر حاجتين : شعب و حكومة لو غيرنا طباعهم حنحب مصر

بحب أوي الآية الكريمة اللي بتقول : بسم الله الرحمن الرحيم (ألم تكن أرض الله واسعة فتهاجروا فيها) صدق الله العظيم

أسفة على التطويل
و بشكر زيارتك لمدونتي نورتني و أتمنى تكررها

Anonymous said...

السلام عليكم يا باشا

ورمضان كريم عليك

هو انا مش هاطول فى الكلام

الموضوع يتلخص حله فيما قلته انت
(السبب هو عدم الفصل بين مصر الوطن ومصر الحكومة
فمصر هى الوطن اللى بيضمنا وهى الاهل والدم اللى بيجرى فى عروقنا
والحكومة هى الاشخاص الموكلون بادارتها ليس الا)

ونورت المدونة بمرورك الكريم

والى مزيد من التواصل ويلاسلام

المستنصر بالله said...

كل سنه وحضرتك طيب
انا قولت رائيى فى بوست كامل
http://alyakeen.blogspot.com/2008/04/blog-post_23.html
مدونتك جميلة
تحياتى

كلمة said...

شكرا ليكم كلكم
يقول المنفلوطى ان وقود الحياة الرئيسى هو مجموع القوى الناتجه عن الاختلاف

وطبعا انا مش هعلق على رايكم لان ده راى شخصى خاص بيكم

بس الى اقدر اقوله
ان لو احنا سيبنا البلد تفتكرو ايه اللى يحصل
تفتكروا هو ده الحل؟؟؟

شكرا ليكم جميعا
تقبلو تحياتى

وبجد نورتو مدونتى المتواضعة

Unknown said...

أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان

أختكم فى الله said...

أول زيارة ليا لمدونة حضرتك الجميلة دى

بجد انا سعيدة بمرورى فيها جدا

انا رأيي ان الناس مش قادرة تفصل بين ان بلدنا بجد بلد طيبة وجميلة وكريمة وبين ان الحكومة هى اللى سرقانا وهى اللى مبوظاها
او بمعنى اصح ان حاميها هو اللى حراميها

فالناس من غلبها بتشتم وخلاص فى اللى قادرة تشتمه ولو ينفع كانوا شتموا فى نفسهم كمان

كلمة said...

نهر الحب
اختنا فى الله
شكرا لمروركما الكريم
والله اسال ان يرزقنا واياكم السداد والتوفيق
انه قريب مجيب